Кампањи за подигање на свеста за насилството врз жените кои нема да ве остават рамнодушни

Една од целите на Меѓународниот ден за елиминирање на насилството врз жените е да ги разгори дискусиите за семејното насилство и да ја подигне свеста за тивките страдања на бројни припаднички на понежниот пол.

Во тој контекст издвојуваме моќни кампањи од целиот свет кои нема да ве остават рамнодушни.

Циклус на насилство

„Ако се случи еднаш, може да се случи повторно. Запри го циклусот пред да започне.“

Се случува кога никој не гледа

Интерактивна реклама на автобуска постојка во Берлин. Камера го следеше погледот на патниците. Кога тие гледаа во постерот, се појавуваше среќен пар, а кога ќе го насочеа погледот на друго место, излегуваше насилна фотографија од семејно насилство.

„Паднав по скали“

Голем дел од жените жртви на семејно насилство, кои се премногу исплашени за да го пријават, го користат изговорот „Паднав по скалите“ за да ја прикријат вистинската причина зад модринките и раните.

Насилството ретко престанува

„Една фотографија дневно во најлошата година од мојот живот“

Видеото „Jedna fotografija dnevno u najgoroj godini života“ го прикажува животот на млада девојка преку 365 фотографии на кои бавно се претвора од весела личност полна со живот, во тажна жртва на семејно насилство. Без оглед на тоа што повредите на девојката во видеото се направени со шминка, снимката истакнува голем проблем и испраќа моќна порака.

Насилството не е секогаш физичко

Повредите на жртвите на постерите отсликуваат звучни бранови. Порака: „Зборовите болат. Не можете да ги видите, но лузните од вербалното насилство се вистински и можат да траат со години. Не страдајте во тишина.“

Тој=чудовиште

„Мајка ти глуми дека ништо не се случило. Прави вечера и седнува на маса, зјапајќи во својата чинија. Тој пијан се сопнува, застанува зад неа и ѝ вели: Извини. Ми простуваш? Таа долго време седи тивка. Ти можеш да видиш дека модринката над нејзиното око станува пурпурна. Ти можеш да почувствуваш дека нејзината тага ја исполнува собата. Таа кимнува со главата без да се погледне нагоре. Тој изнудува бакнеж од неа и се насмевнува како да ти вели дека сè е во ред. Ти зјапаш во чинијата. НИТУ ЕДНО ДЕТЕ НЕ ТРЕБА ДА ЖИВЕЕ СО ЧУДОВИШТЕ.“

Вербално насилство

Домашното насилство е сè уште модерно

Кампања на Меѓународната организација за заштита на човековите права „Амнести Интернешнл“.

„Кога престана да те третира како принцеза?“

„Кога престана да те третира како принцеза? Никогаш не е предоцна да ставиш крај на тоа“ – се вели на постерите на артистот Сент Хоакс.

На вознемирувачките фотографии од серијата „Happy Never After“, принцезите на Дизни се претставени со модринки и раскрвавени рани на лицето. Идејата на кампањата е да се подигне свеста за семејното насилство и да се охрабрат жртвите да ги пријават насилниците.

Ако премолчите, вие сте учесник

Идејата е да се поттикнат луѓето кои се сведоци на семејно насилство да го пријават.

Семејното насилство не е секогаш видливо