Синди Крафорд повеќе од две децении е бренд амбасадор на Omega, а од минатата година по нејзините стапки тргнаа и нејзините деца – Каја и Присли.
52-годишната убавица и нејзината 16-годишна ќерка неодамна снимија заедничка фотосесија за брендот за луксузни часовници, а по повод Денот на мајката, беше објавено видео од зад сцената и црно-бели фотографии од кампањата.
Врвниот фотограф Питер Линдберг е заслужен за визуелниот приказ на стилската приказна инспирирана од светоста и силата на семејните врски.
„Моите деца се вклучени во Omega уште од мали нозе – тие се неофицијални амбасадори речиси 10 години“ - изјави Крафорд по промовирањето на Каја и Присли како нови лица на Omega, чиј официјален претставник во Македонија е „Божиновски часовници и накит“.
Во улога на заштитно лице на швајцарскиот бренд, Каја присуствуваше на лансирањето на новите модели од линијата Trésor во Берлин.
И сопругот на Синди, Ренди Гербер, е партнер на Omega. Целото семејство минатата година присуствуваше на промотивен настан во Париз.
