Свадбите на богаташите во Либан го издигнуваат раскошот на ново ниво. Како по правило, задолжително е да ги одушевиш гостите со екстравагантна прослава и венчаница која одзема здив. А најчесто, најважниот фустан на вечерта е креиран од врвен дизајнер како Зухаир Мурад и чини стотици илјади евра.
Кога Јасмина Затари го довери изгледот на својата венчаница во рацете на Мурад, не погреши, бидејќи тој ѝ ги исполни соништата. Волуменозниот фустан со кралска силуета е прекриен со стотици апликации ѕвезди.
Свадбата на гламурозната невеста се одржа во хотелот Хилтон во Бејрут во сала преполна со цветни декорации.
Зухаир објави видео во кое ја покажува венчаницата во полн сјај.