„Како ли јас да пораснам?“: Детето од СИ-ДО сега е татко и е висок 185 см, а побуди носталгија со незаборавната „Метро и жилет“

Триесет и три години по првиот настап на сцената на СИ-ДО, Иван Богојовски повторно ја отпеа легендарната „Метро и жилет“, песна која многумина и денес ја паметат како еден од највпечатливите детски хитови од 90-тите години.

Малото момче со огромна енергија и препознатлив настап од 1993 година, денес е возрасен човек, висок 185 сантиметри и е татко на девојче.

Иван ја распеа публиката на јубилејното 30-то издание на фестивалот во Битола.

Видео

Текстот на „Метро и жилет“ го напиша Валентин Соклевски, а музиката и аранжманот се дело на Миодраг Неќак.

Оригиналниот настап

Со придружба на Оркестарот DIVA, сцената повторно оживеа во духот на детството. Покрај Иван, на сцената се појавија и редица поранешни учесници на СИ-ДО кои ги изведоа своите безвременски хитови.