„Како и секогаш, растуривте!“: Милош Биковиќ со вереницата Ивана се забавуваа на Exit во Црна Гора

Милош Биковиќ викендов го помина во одличната атмосфера на фестивалот EXIT, кој се одржа на познатата Велика плажа во Улцињ.

Популарниот српски актер се забавуваше во друштво на својата вереница Ивана Малиќ, а на социјалните мрежи сподели фотографии од нивната фестивалска авантура.

„Благодарам, EXIT, за уште еден спомен! Како и секогаш, растуривте!“ – напиша Биковиќ во описот на објавата со која ја пофали организацијата и атмосферата на фестивалот.

И на првата и на втората фестивалска вечер имаше повеќе од 20.000 посетители, кои до раните утрински часови уживаа во музиката покрај морето на Велика плажа. Организаторите порачаа дека енергијата била неверојатна, а природниот амбиент и настапите создале незаборавно доживување.