Kако бебе преживеа пожар со страшни изгореници, сега е прогласен за Крал на матурската прослава

Некои луѓе со причина се нарекуваат „инспирација“ и секојдневно докажуваат дека „чудата се реални и дека убавината се крие подлабоко од кожата“.

Дилан Милс не дозволи страшните изгореници на неговото тело да го спречат да ужива во животот, да се занимава со омилените спортови и да стане Крал на матурската прослава.

Годинава, Дилан застана под рефлекторите на стадионот во Кливленд, Тексас, заедно со убавата Ашлин, која ја доби титулата „Кралица“, а со која се пријатели од мали нозе.

Сепак, животната приказна на Дилан е далеку од „кралска“ бајка.

Кога имаше само 17 месеци, Дилан беше на работ на смртта. За време на пожар кој уништи дел од неговиот дом, пламените јазици го зафатија неговото мало тело и му предизвикаа изгореници на околу 84% од кожата.

И неговите родители настрадаа додека се обидуваа да го спасат. Татко му претрпе сериозни изгореници во обид да го извлече од пламенот, но мајка му беше таа која влета во пламенот и го спаси.

По пожарот, следеле многу години на операции, донација на кожа и рехабилитација. И покрај тоа, Дилан не дозволи неговата трагедија да го дефинира и избра да биде поголем од неа. Денес е момче кое тренира кошарка и бејзбол, го живее животот со насмевка и служи како инспирација за сите кои го познаваат.

Приказната на Дилан ја објави новинарот Рајан Волф во пост кој стана вирален хит:

Како бебе, Дилан Милс преживеал пожар што оставил изгореници на 84% од неговото мало тело. Шеснаесет години подоцна, под светлата на стадионот во Кливленд, Тексас, тие лузни блескаа заедно со неговата светкава јакна додека беше крунисан за Крал на матурската прослава.

Во 2009 година, Дилан имал само 17 месеци кога пламените јазици го проголтале домот на неговото семејство.

Татко му добил тешки изгореници обидувајќи се да го спаси, додека мајка му го извлекла на сигурно.

Денес, тој игра бејзбол и кошарка, го пречекува животот со насмевка и ја инспирира целата своја заедница со својата истрајност.

Помогнете да им честитаме на Кралот и Кралицата на Матурската вечер на училиштата во Таркингтон ISD — Дилан Милс и Ашлин Примо!

Жив потсетник дека чудата се вистински и дека убавината се крие подлабоко од кожата.