Јутјубер со сопругата го абортираа бебето кога дознаа дека има Даунов синдром, добиваат смртни закани и разгореа многу дискусии
Познатиот јутјубер Џеси Риџвеј и неговата сопруга Ешли се во центарот на жестока јавна дебата откако споделија дека ја прекинале бременоста по потврдена дијагноза за Даунов синдром кај нивното неродено бебе.
Парот во март беше пресреќен кога објави дека го очекува првото дете.
Но, откако направената амниоцентеза покажала дека нивниот син има Трисомија 21, односно Даунов синдром, Џеси јавно соопшти дека тој и Ешли донеле одлука да ја прекинат бременоста.
This week, my wife and I made the very difficult decision to terminate the pregnancy due to Trisomy 21.
The choice was not made lightly. We really appreciate all of the personal stories that you guys shared with us, especially the unconditional support we received from fans…— Jesse Ridgway (@McJuggerNuggets) June 3, 2026
Јутјуберот нагласи дека одлуката не била донесена лесно и дека пред да ја донесат разговарале со лекари, генетски советници, членови на семејството и блиски пријатели.
„Бев шокиран, но и оптимист. Верував дека ќе можеме да се справиме со сè што ќе донесе родителството. Но, колку повеќе учевме за состојбата, толку повеќе сфаќавме со какви предизвици би се соочило нашето дете и нашето семејство“ – изјави тој.
Знам дека некои од вас можеби ќе бидат разочарани кога ќе ја слушнат оваа вест. Ние сме скршени. Ова беше исклучително трауматично искуство за двајцата, а особено за Ешли...
Дознавме дека голем број жени одлучуваат да ја прекинат бременоста по ваква дијагноза. Верувам дека причината што овие одлуки најчесто се носат далеку од очите на јавноста е затоа што луѓето се плашат од осуда и чувство на срам.
Никогаш не мислите дека ќе се најдете во ваква ситуација, сè додека тоа навистина не ви се случи. Тогаш многу работи изгледаат поинаку.
До сите мои следбеници кои имаат Даунов синдром, аутизам или други состојби, ви благодариме. Вие сте важни и ни е драго што сте дел од овој свет. Ви се восхитувам вас и на вашите семејства за силата и храброста со кои се соочувате со животните предизвици... – е само дел од објавата на Џеси на X.
По објавувањето на веста, Џеси и Ешли добија лавина од коментари. Додека некои од интернет користените им дадоа поддршка, други побрзаа жестоко да ги критикуваат и дури и да им упатат смртни закани.
Џеси откри дека ситуацијата станала толку сериозна што поставиле безбедносна капија на нивниот имот и почнале да спијат со пиштол покрај креветот.
„Луѓе ни пишуваат дека заслужуваме да умреме, дека ќе гориме во пеколот. Никогаш не сум видел толку омраза кон двајца луѓе кои тагуваат поради загубата на своето неродено дете“ – изјавил тој во интервју за TMZ.
И покрај нападите, Џеси вели дека не жали што јавно ја споделил нивната приказна. Според него, многу парови минуваат низ слични ситуации, но ретко зборуваат за нив поради страв од осуда.
„Сакавме другите луѓе кои се соочуваат со вакви одлуки да знаат дека не се сами. Се надевам дека нашата приказна ќе им помогне барем малку полесно да разговараат за тоа низ што поминуваат“ – порача јутјуберот.