Јунак! Малиот Онур го победи ракот и заѕвони на ѕвончето на Детската клиника во Скопје

Од Детската клиника Скопје објавија уште едно видео кое разнежнува.

Во него, малиот Онур заѕвонува на ѕвончето на клиниката за да ја одбележи својата победа над ракот.

„Оваа недела е посветена на сите кои победиле карцином ! Повеќе од 32 милиони лица се преживеале рак низ целиот свет - сите знаат некој чиј живот е допрен од карцином. Го славиме животот со сите деца кои ја победиле оваа битка, тоа се нашите јунаци, непобедливи.“

„Деновиве уште еден наш јунак го испративме дома, долго бевме заедно на одделенето за хемато-онкологија. Онур уживај во детството, биди среќен и продолжи да се смееш!“ - пишува во описот на видеото.