Јелена Томашевиќ и Иван Босиљчиќ со фотографии и пораки ѝ го честитаа роденденот на ќеркичката Нина
Јелена Томашевиќ и Иван Босиљчиќ на прекрасен начин го одбележаа 9-тиот роденден на нивната ќерка.
37-годишната пејачка и 42-годишниот актер споделија фотографии со слатката Нина, заедно со пораки за овој специјален ден.
„Девојко најдрага, можеби еден ден ќе ги прераснеш нашите крилја, но никогаш нашите срца. Среќен ти роденден! Те сакаме“ – пишува Јелена на Instagram.
„Малечка, нека твојот живот секогаш пее и блеска“ – стои во описот на Босиљчиќ.
Јелена и Иван стапија во брак во 2011 година. За божиќните празници тие споделија зимски фотографии од нивниот престој на планината Златар.