Јапонскиот оперски пејач Казухиро Котецу прогласен за Амбасадор на македонската култура на Златна бубамара
Казухиро Котецу повторно ја посети Македонија. Јапонскиот оперски пејач пристигна во нашата земја за да присуствува на најновото издание на Златна бубамара на популарноста.
На синоќешната манифестација, Котецу, кој редовно изведува врвни македонски песни, беше прогласен за Амбасадор на македонската култура за 2024 година. Наградата нему му беше врачена од Игор Џамбазов.
Како голем љубител на делата на Јонче Христовски, Котецу ја отпеа „Ако умрам ил загинам“. По завршувањето на настапот, тој го соблече своето сако и го фрли кон публиката.
Следуваше голем аплауз за талентираниот јапонски музичар.
Фотографии: Благоја Цоканов / Femina.mk