Изненадување! Џос Стоун дозна дека е бремена само неколку недели по посвојувањето на трето дете

Џос Стоун е бремена. Славната пејачка дозна дека е во блажена состојба само неколку недели по посвојувањето на трето дете.

Убавата вест 37-годишната Англичанка ја соопшти на Instagram.

„Искрено. Шокирана е благ збор. Ништо и никој не може да ни ја одземе нашата радост сега“ – напиша Џос.

Стоун и Коди Далуз се во брак од 2022 година. Тие заедно имаат две деца (3-годишната ќеркичка Вајолет и 2-годишниот син Шаклетон), а на 2 декември објавија дека посвоија новороденче кое се вика Беар.

Бебенцето, кое има само седум недели, има здравствени проблеми со белите дробови.

Џос и Коди, кој исто така е посвоен, отворено зборуваат за нивната желба за посвојување. Тие сакаат да имаат седум деца.

Џос Стоун беше во посета на Македонија во 2016 година и заедно со Каролина Гочева ја испеаја нејзината песна „Кој да ми запее“.