Андреа Бочели ја покани екипата на Architectural Digest на кратка прошетка низ неговиот идиличен имот во Италија.
60-годишниот пејач, кој поради глаукома ослепе на 12-годишна возраст, позираше со својата сопруга Вероника во семејниот дом во Тоскана, каде живеат со трите деца.
Имотот се наоѓа покрај море и се протега на површина од 743 m2, а претходно беше хотел.
„Одлуката ја донесов прилично брзо. За избор толку важен како што е купувањето дом, сметам дека не треба само да се потпираме на рационалноста, туку и на нашиот инстинкт. Јас почувствував дека ова е домот во кој ќе ги израснам моите деца, и го купив“ – изјавил Бочели.
Андреа тврди дека омиленото место за одмор му е семејниот дом. „Бидејќи патувам многу често, најдобриот одмор кој можам да го замислам секогаш е во мојот дом, опкружен со љубовта на моето семејство и пријателите кои доаѓаат да ме посетат“ – рекол познатиот Италијанец.
