„Ишил“ од турската серија „Шербет од брусница“ почина на 35-годишна возраст, еден ден по роденденот

Турската актерка Еџе Иртем, кај нас позната по улогата на Ишил во серијата „Шербет од брусница“, почина ненадејно во својот дом.

Трагедијата се случила само еден ден по прославата на нејзиниот 35-ти роденден. Како веројатна причина за смртта се наведува срцев удар. Во моментот кога ѝ се слошило, Иртем била дома заедно со нејзината мајка.

На профилот на социјалните мрежи на менаџерската агенција со која соработуваше актерката, беше споделена изјавата на нејзиниот адвокат, Угур Ѓоккојун. Во изјавата се вели:

„Мојата клиентка Еце Иртем почина денеска околу 12:00 часот. Настанот се случи во нејзиниот дом, додека била заедно со нејзината мајка. Според првичните проценки, сметаме дека починала од срцев удар. Истрагата е во тек. Точната причина ќе биде разјаснета со обдукцијата. Кога ќе биде објавен извештајот од обдукцијата, јавноста ќе биде дополнително информирана. Изразувам сочувство до нејзиното семејство и до сите нејзини најблиски.“