Исаура од „Преспав“ полни 40 години: Актерката Емра Куртишова на роденденот сподели дел од научените лекции

Емра Куртишова денес го слави својот 40-ти роденден.

Талентираната актерка, која е најпозната по улогата на Исаура во „Преспав“, сподели лекции кои ги научила во првите четири децении од својот живот.

Емра објави фотографија на која позира во автомобил и напиша:

Денес полнам 40.
Не сум постара, само сум поискусна и малку поуморна 🤷‍♀️
Зад мене се лекции што не се учат од книга.
Сум паднала, сум станала, сум се преправала дека сè е во ред и сум научила дека кафето, мирот и добрите луѓе се луксуз.
На 40 конечно знам дека
не морам на сите да им се допаднам,
не морам сè да објаснувам,
и „не ми се“ е сосема доволна причина.
Си посакувам здравје, мир во глава
и нерви што траат...
Да се смеам почесто, да се грижам помалку
и да си бидам најдобра верзија за себе и моите најблиски.
40 не се години.
40 е ЈАС СУМ и ТАМАН ми е 🤍
Фала ти Боже за сè што имам и немам!

Пред два дена, Куртишова сподели фотографија со сопругот Петар Стојанов, кој исто така е актер. 

Емра и Петар се запознале во Театарот за деца и младинци, каде се колеги. Тие стапија во брак во јуни 2023 година и заедно имаат една ќерка, Лена.