Мелиса Хеј е девојка со огромна желба за патување и голем апетит. Активната блогерка и дизајнерка на својот блог и на Instagram ги споделува вкусните јадења кои ги пробала на различни места од светот.
Мелиса, која живее во Сингапур, досега има посетено над 30 земји, а нејзина цел е да посетува најмалку една нова држава секоја година. Бидејќи често патувала сама, таа започнала да ги фотографира јадењата кои ги консумира пред знаменитости и да ги споделува со своите пријатели. Реакциите биле повеќе од позитивни.
Најголем дел од фотографиите на girleatworld се дело на Мелиса, но и нејзините следбеници одвреме-навреме споделуваат свои искуства под хаштагот #GirlEatWorld.
Па, ако не знаете кое јадење да го испробате на своето следно патување, Хеј ќе ви помогне при изборот.
