Од Струмица до Германија, од борбата за подобар живот до големите музички соништа… Тина Русева ја претвори сопствената животна приказна во песна.
„Proud of Me“ е новата песна на талентираната девојка во која пее за тешките почетоци, големите амбиции и вербата во себе дури и тогаш кога успехот изгледал далеку. Песната е автобиографска и таа без разубавување на реалноста открива дека по преселбата работела во „Мекдоналдс“ за да може да заработува за живот, додека во себе ја чувала желбата за нешто многу поголемо.
Музиката и текстот ги потпишува Коста Петров, а аранжманот е на Боб Вогстон и Том Ридер. Вогстон е задолжен и за миксот и мастерингот додека песната е продуцирана и снимена во „Lipaka Studio“. За видеопродукцијата беше задолжен Дарко Јовановски.