„Има убавина во едноставноста“ – вели Ане Хирсмаки, која зрачи со самодоверба и женственост.
59-годишната фотогенична блогерка од Хелсинки мами воздишки на Instagram, презентирајќи модни комбинации за жени кои не сакаат многу да експериментираат со стилот.
„Дури и во детството, мојот карактер го манифестирав преку облеката. Мајка ми ми ги исполнуваше желбите со тоа што ми шиеше облека која јас ја дизајнирав за мене. Особено фустаните, кои секогаш имаа нешто уникатно“ – вели таа.
Ане, која во младоста работела како модел, пред неколку години одлучила да се врати повторно во модниот свет. „Кога забележав дека сè повеќе и повеќе возрасни лица се појавуваат на модните реклами, пред четири години одлучив повторно да одам на обука за модели“ – вели Ана.
Шармантната Финка порачува: „Истакнете ја женственоста на стилски начин и уживајте во тоа“.
