Игри на плажа, посета на домот на принцезата Дијана: Меган Маркл објави летни фотографии со принцот Хари и децата

Меган Маркл и принцот Хари ретко споделуваат моменти од својот приватен живот, но војвотката од Сасекс направи исклучок.

На својот профил на Instagram таа објави албум со наслов „Летен одмор“, во кој откри дел од семејните мигови поминати со нивните деца – седумгодишниот Арчи и петгодишната Лилибет.

На фотографиите може да се види како принцот Хари си игра и се забавува со децата на плажа, додека Меган ги чека покрај брегот облечена во едноделен костим за капење и патики.

Албумот содржи и идилични пејзажи, фотографии од природата, како и кадри од рестораните и местата кои семејството ги посетило за време на престојот во Велика Британија и Португалија.

Иако не сподели фотографии од средбата на децата со нивниот дедо, кралот Чарлс, поранешната актерка објави кадар од нивната посета на Алторп, имотот на кој израснала принцезата Дијана.