„Идната Јас“: Спотот за песната со која Ана Стојаноска ќе нè претставува на детската Евровизија

Ана Стојаноска оваа година ќе нè претставува на детската Евровизија.

На големата сцена во Малта, младата пејачка ќе настапи со песната „Идната Јас“.

Текстот на песната е дело на Илчо Нечовски, додека за музиката и аранжманот се погрижи Никола Мицевски.

Слушнете ја:

„Ана Стојаноска доаѓа од Струга и уште од најрана возраст ја покажува својата љубов кон музиката и пеењето. Со својот препознатлив глас, енергија и искреност, таа ќе ја пренесе пораката на 'Идната Јас' пред европската публика.

На сцената во Малта, Ана ќе настапи заедно со танчерките Калина, Каја и Елена. За кореографијата е задолжен Илија Карадакоски, а македонската делегација ја предводи шефот на делегацијата, Дијана Гогова“ – пишуваат од МРТ.