Хрватска мејкап артистка се трансформира во Тоше Проески, ги растажи фановите низ Балканот
Мејкап артистка со помош на шминка се претвори во Тоше Проески и разбуди бура од емоции кај неговите фанови низ регионов.
Марина Мамиќ го „оживеа“ ликот на непрежалениот македонски славеј, а процесот го започна со солзи во очите.
„Оваа трансформација беше потешка од која било… затоа што додека се претвoрав во него, ја чувствував сета таа тага што го нема повеќе. Недостига“ – напиша хрватската висажистка на својот Инстаграм, каде објави видео од својата најемотивна преобразба досега.
Набргу следуваа стотици коментари, од Мостар до Битола, од Загреб до Крушево:
„Тоше беше човек со душа и таа душа живее во неговата музика“
„Ова е повеќе од трансформација – ова е омаж, ова е љубов“
„Фала што не го заборави нашиот Тоше. Тој е наше непроценливо богатство“
„Се ежам од песната и од видеото. Прекрасно. Срцето ми се стегна“