Холивудски шармери: Бредли Купер му ја додели наградата за Најдобар актер во споредна улога на Бред Пит

Откако се закити со Златен глобус, Бред Пит синоќа ја доби и наградата за Најдобар актер во споредна улога на „National Board of Review Awards Gala“ во Њујорк.

На сцената, 56-годишниот актер го прими признанието од својот колега Бредли Купер. Двајцата холивудски шармери, кои се и добри пријатели, топло се прегрнаа, а заедно позираа и пред фоторепортерите.

Наградата на Бред Пит му беше доделена за неговата улога во филмот „Once Upon a Time in Hollywood“ во режија на Квентин Тарантино.

Пред два дена, Бред беше фотографиран од папараците додека заминуваше од апартманот на Бредли во Њујорк.