Во екот на промотивната турнеја за филмот „Tully“, Шарлиз Терон мамеше погледи со темни модни комбинации.
Атрактивната Оскаровка присуствуваше на неколку настани, при што во нејзината гардероба доминираше црната боја.
На синоќешното прикажување на „Tully“ во Њујорк, 42-годишната ѕвезда беше облечена од глава до пети во модели од Кристијан Диор.
За филмот „Tully“, Шарлиз ја покачи тежината за 22 килограми. Неодамна таа сподели и дека враќањето во форма ѝ било кошмарно искуство и дека траело околу година и половина.
„Бев загрижена зашто за Monster не јадев грицки пет дена и веднаш се вратив во форма. Знаете, телото на 27 години е малку поинакво од телото на 43 и мојот доктор се погрижи да го сфатам тоа. Ми рече дека имам 42 години и да се смирам, дека не умирам, дека сè е во ред“ - раскажа таа.
