Софија Лорен му пркоси на стареењето. Каде и да се појави, 88-годишната актерка одушевува со својот одржан изглед.
На свеченото отворање на нејзиниот ресторан во Милано, холивудската дива блескаше во елегантен бел костум, кој го надополни со сатенска блуза и впечатлив дијамантски накит.
Софија е голема љубителка на италијанската храна и тестенините, па не е изненадување што одлучи да отвори нов ресторан. „Сѐ што гледате на мене им го должам на шпагетите“ – признава славната актерка, која има ресторан и во Фиренца.
Една од нејзините најпознати изјави е: „Повеќе сакам да јадам тестенини и да пијам вино, отколку да бидам големина 0“.
Лорен плени и во деветтата деценија од животот и вели дека убавината доаѓа однатре. „Секоја жена може да изгледа најдобро ако се чувствува убаво во своја кожа. Не е во прашање облеката или шминката, туку начинот на кој таа сјае“ - вели Лорен.
„Убавината всушност е одраз како се чувствуваме однатре и тоа ни се рефлектира во очите. Убавината не е во физичкиот изглед“ – додава таа.
