Херојство на плажа: Млад спасувач не се откажа ни за миг и извлече 10-годишно дете кое се давеше во силни бранови
Млад спасувач на плажа во Калифорнија стана вистински херој откако неговата присебност и храброст спречија трагедија. 16-годишниот Американец спаси 10-годишно момче од силни и опасни бранови, а драматичните фотографии и снимки станаа вирален хит.
На плажата Сајпрес времето било мирно сè додека ненадејно не се појавил разорен „измамнички бран“. Моќниот удар на водата го повлекол малото момче навнатре во океанот, оддалечувајќи го на околу 200 метри од брегот, надвор од дофатот на лесно спасување.
Видео
Сведок на целата ситуација бил фотографот Скот Вандер Дусен, кој случајно го овековечил спасувањето.
„Само видовме како главата на детето се појавува и исчезнува во водата, беше буквално вшмукано од струјата“ – сведочи тој.
Иако драмата траела неколку исцрпувачки минути, момчето поминало без сериозни повреди. По интервенцијата на екипата на брзата помош на лице место, било вратено во прегратките на неговите родители.
Забележително е што младиот спасувач, откако малку ја повратил енергијата, продолжил професионално да ја извршува својата работа до крајот на денот. Сепак, следниот ден бил принуден да биде ослободен од должност, бидејќи видеото од спасувањето станало вирален хит, а тој се претворил во локална атракција со десетици граѓани кои сакале лично да му се заблагодарат.
Американскиот претседател Доналд Трамп јавно најави дека младиот спасител и неговото семејство ќе бидат поканети во Белата куќа за да им се оддаде висока цивилна почест за херојскиот чин.
We’re going to bring this heroic young man, and his family, into the White House with, perhaps, the boy he saved, to give him a High Civilian Honor. Very brave, he deserves it! President DONALD J. TRUMP https://t.co/dGL15o1tIv
— Donald J. Trump (@realDonaldTrump) July 28, 2026