Тара Вајтман живее живот по кој копнее секој авантурист. Младата блогерка патува низ светот, уживајќи на најубавите рајски места кои се кријат на планетата Земја.
23-годишната девојка од Сиднеј стои зад блогот „Tara Milk Tea“, кој постојано го збогатува со нови фасцинантни фотографии од своите патувања на атрактивни локации, шик модни комбинации и вкусна храна.
Грција, Хрватска, Црна Гора, Турција и Италија се најновите дестинации на популарната блогерка.
„Кога првпат започнав да го користам Instagram, модата беше голем тренд кој многу брзо се развиваше и јас се заинтересирав за тоа. Најпрво постирав случајни нешта, главно обидувајќи се да ги развијам моите вештини за фотографирање. Потоа модата ми стана хоби, па следуваа патувањето и храната. Сега се обидувам да правам што е можно повеќе: мода, храна и патување, сè во едно“ – вели Тара.
