Сандра Булок е една од холивудските дами чиј изглед воопшто не ги издава нејзините години. Славната актерка и продуцентка денес ќе го прослави својот 53. роденден.
Шармантната убавица започна да чекори во филмскиот свет уште во тинејџерските години, но првата поголема улога таа ја доби во 1987 година во филмот „Hangmen“.
Меѓу најпознатите филмски дела на кои Булок има работено се „The Proposal“, „Miss Congeniality“, „Gravity“, „Two Weeks Notice“ и „The Net“.
Харизматичната ѕвезда, која има посвоено две деца, го чува својот приватен живот што подалеку од медиумските рефлектори.
Нејзиниот стил за гламурозните свечености се базира на елеганција и префинетост.
По повод 53. роденден на Сандра, прошетајте со поглед низ нејзините највпечатливи стилски моменти.
