Хали Бери ќе донира сè од својот плакар за лицата кои ги изгубија домовите во пожарите во Лос Анџелес
Хали Бери го отвори своето срце за да им помогне на лицата кои изгубија сè во страшните пожари во Лос Анџелес.
58-годишната актерка се приклучи кон иницијативата на својата колешка Шерон Стоун и изјави дека ќе го донира целиот свој плакар за настраданите семејства.
Со овој потег и Бери и Стоун повикуваат да се донираат облека, ќебиња, пелени и козметика во продавницата Coop, од каде ќе можат да ја подигнат оние на коишто им е најпотребна.
„Го пакувам целиот мој плакар и тргнувам кон COOP! Ако живеете во областа на Јужна Калифорнија, ве повикувам да го направите истото. Ова е нешто што можеме да го направиме токму денес за да им помогнеме на сите раселени семејства на кои им требаат основните работи“ – напиша Хали.
Ужасните пламени јазици уништија цели соседства и одзедоа најмалку 10 животи.