Синоќа, Хајди Клум покажа зошто со децении владееше на модните писти низ целиот свет.
52-годишната манекенка, која во минатото беше дел од ангелите на Victoria’s Secret, шармираше во впечатлива креација која ѝ донесе многу комплименти. Тоалетата во нежна праска нијанса е дел од колекцијата висока мода за сезоната есен 2025 година на либанскиот дизајнер Ели Сааб.
Клум со години е една од најзабележителните ѕвезди на фестивалот во Кан, а годинава присуствуваше на покана на L'Oréal Paris.
Неодамна, во јавноста се проширија гласини дека Хајди е бремена, а таа не остана рамнодушна на нив. Во интервју, таа рече дека зголемувањето на килограмите не се должи на бременост, туку на менопаузата.
„Многумина коментираат таа е премногу дебела или бремена, но јас не сум бремена. Само сум малку подебела сега. Тоа е менопаузата“ - рече Клум.
На отворањето на фестивалот се прикажуваше францускиот филм „La Vénus électrique“ (The Electric Kiss).
