GQ: Мажите со најмногу стил за 2012

Машкото списание „GQ“ будно го следи модниот избор на холивудските џентлмени и состави листа со претставниците на посилниот пол кои се истакнаа со својот стил во годината што изминува.

На првото место се најде ѕвездата од „Skyfall“, Даниел Крег, со совршениот избор на дизајнерски костуми и полежерни комбинации.

Зак Ефрон со изгледот на модерен младич и внимавањето на деталите заслужено го доби второто место, додека третото место му припадна на Дејвид Бекам кој во 2012 отскокна од другите со префинет џентлменски стил.

Костумите со ретро шмек му го донесоа четвртото место на Бруно Марс, а Јуан Мекгрегор со својот официјален стил си го обезбеди петтото место на листата.