Зухаир Мурад е вљубеник во ведрите нијанси, но неговата најнова колекција влегува во мрачни води. Либанскиот дизајнер се инспирирал од готскиот стил, па во колекцијата висока мода есен/зима 2023 преовладуваат црна, бордо, пурпурна и темносина боја.
„Се навратив во ерата на мистериозноста – напуштени палати и темни ноќи“ – вели тој.
Гламурозните рачно изработени креации, кои ќе завршат само кај оние со најдлабок џеб, беа презентирани на ревија во Париз.
Розата како декоративен детаљ се провлекуваше низ целата колекција. „Розата е многу важен елемент во колекцијата. Таа истовремено е симбол на и романса и на трагедија“ – појасни Мурад.
Погледнете ја колекцијата насловена „Midnight Scent“.
