Ѓорге и Маја Иванови го искористија својот престој во Јордан за да го посетат местото на крштевање на Исус Христос.
58-годишниот Претседател и 54-годишната Прва дама на Македонија отидоа на местото каде Исус Христос бил крстен од Свети Јован Крстител.
„Во рамки на официјалната посета на Хашемитското Кралство Јордан, претседателот Иванов и сопругата г-а Маја Иванова го посетија местото на крштевањето на Исус Христос на реката Јордан“ – стои во објавата на Facebook на официјалниот профил на македонскиот претседател.
Претседателот и неговата сопруга претходно беа свечено дочекани од кралот Абдула II и кралицата Ранија.
