„Го посетив Крушево, местото од кое потекнува најдобриот глас на овие простори“: Никола Роквиќ му оддаде почит на Тоше Проески
Никола Роквиќ го посети Крушево, градот од кој потекнува нашиот славеј Тоше Проески.
Српскиот пејач му оддаде почит на македонскиот пејач, нарекувајќи го најдобриот глас што некогаш одекнувал на овие простори.
Роквиќ, заедно со своите музичари, ги посети Спомен-куќата на Тоше, неговото вечно почивалиште, како и манастирот „Свето Преображение“, каде се потсети на ликот и делото на пѕвездата која остави неизбришлива трага во музиката на нашите простори.
По посетата, Никола сподели видео и порака во која ја истакна големината на гласот на Проески. Тој им се заблагодари на семејството и пријателите на Тоше за топлиот пречек.
„Денес со моите музичари го посетив Крушево, местото од кое потекнува најдобриот глас што некогаш одекнувал на овие простори... Благодарен сум им на пријателите на Тоше, на неговата сестра и мајка кои нè угостија! И ништо не е залудно, можеби понекогаш само така ни се чини, како во загатка, како во огледало... ЉУБОВТА НИКОГАШ НЕ ПРЕСТАНУВА!!!“ – напиша Роквиќ.