„Го најдовме на четири недели во подрум со мајката која користеше наркотици, денес е стипендист во Белград“: Доктор Паскалов со инспиративна приказна
Д-р Ѓорги Паскалов неодамна гостуваше во емисијата „Здраво Македонијо“ на Канал 5, каде што отворено зборуваше за предизвиците во грижата и правилниот развој на децата.
Меѓу многуте професионални успеси, една приказна која тој ја сподели, допре до срцата на многумина.
Кога беше замолен да издвои случај кој му оставил најголем впечаток, д-р Паскалов со видлива емоција се присети на едно бебе за кое се борел со години:
„Тоа е бебе коешто беше најдено со мајка која користеше наркотици. Го најдовме на четири недели во подрум, заедно со мајка му. Тука ми помогна многу отец Оливер. Секако презедовме мерки согласно Законот, што сè треба да се направи. Денес детето е стипендист во Белград по математика и физика.“
„И кога и да дојде во Скопје, доаѓа да ме види“
Паскалов со гордост додаде дека и мајката успеала да го промени својот живот, денес е добро и работи како хигиеничарка.
Видео од целата емисија:
Д-р Ѓорги Паскалов е еден од најеминентните стручњаци во Македонија во областа на педијатријата и детскиот развој. Преку својот препознатлив хуман пристап и долгогодишна работа, тој посветено им помага на најмладите да ги надминат физичките и социјалните предизвици за да израснат во здрави и успешни личности.