Дозволете си да бидете освоени од новата модна приказна на Ели Сааб. Врвниот либански дизајнер ја презентира колекцијата есен/зима 2016-2017 во Париз, покажувајќи дека продолжува еволуцијата во неговото творештво.
Фузијата на бохо романтизам, рокенрол смелост и номадска безгрижност ја освои публиката. Ресите, тантелата, слоевитоста и накитот очигледно говорат за номадска инспирација, додека кожените јакни и фустаните со кожени декорации зборуваат за влијанието на рокенрол стилот.
Гравитирајќи околу црна, бордо и виолетова боја, Сааб ја обви колекцијата со мрачна убавина.
