Џенифер Лопез постојано мами комплименти за својот изглед и јасно е зошто. 48-годишната пејачка ја истакна својата привлечна фигура и сними фотосесија за септемвриското издание на списанието „Paper“.
Музичката и телевизиска ѕвезда блескаше во неколку гламурозни костими, додека позираше пред објективот на германската фотографка Елен фон Унверт.
На прашањето што е најлудото нешто што го има направено во Лас Вегас, Џеј Ло одговори: „Сметам дека луѓето имаат луди авантури и пијат и слично, но јас не го правам тоа. Знаете на што мислам? Јас сум тука за да танцувам и најлудото нешто кое го имам направено е, ооох, танцував во четири часот наутро.“
Фотосесијата била снимена во „градот на гревот“, каде Лопез постојано одржува свои концерти.