Гламурозна: Џенифер Лопез блеска во креација од Зухаир Мурад покрај саканиот, мајка си и сестра си

Синоќа во Њујорк се одржа галата Time 100, организирана во чест на стоте највлијателни личности за 2018, избрани од списанието Time. Меѓу нив, свое место си најде и Џенифер Лопез.

На црвениот тепих, сексапилната пејачка буквално блескаше во креација од Зухаир Мурад.

Фустанот, кој доаѓа од колекцијата висока мода пролет 2018 на либанскиот дизајнер, Џеј Ло го искомбинира со сандали од Џими Чу, чантичка од Џудит Либер и накит од Лорејн Шварц.

На настанот, 48-годишната пејачка беше придружувана од саканиот Алекс Родригез, сестра си Линда и мајка си Гвадалупе.

Подоцна, таа настапи на сцената во неколку костими.