Balmain недискутабилно се вбројува помеѓу омилените брендови на холивудските ѕвезди и на модните ентузијасти кои копнеат по впечатлив изглед кој останува незаборавен.
Француската модна куќа ја претстави колекцијата pre-fall 2018 со едиторијал со моделите Алена Фицџералд, Кетрин Закарова, Валери Кауфман и Ивон Беванда.
Од блескави креации со рокерски шмек до елегантни фустани за вечерни пригоди, најновите модни предлози, дизајнирани од креативниот директор Оливие Рустан, несомнено ќе се најдат во плакарите на многу вљубенички во модата.
„Овие се силни, карактеристични и препознатливи Balmain колекции, кои нема потреба да бидат во склоп со било кои најнови сезонски трендови. Овие креации не само што ја нагласуваат длабоката поврзаност со францускиот главен град, туку и ја рефлектираат нашата посветеност секогаш да се стремиме кон елеганција која ќе го издржи тестот на времето“ – изјавил Рустан.
