Тасија Навес и Артур Ати Акл си го кажаа судбоносното „да“ за време на гламурозна свадбена прослава во нејзиниот роден крај Уберландија, Бразил.
На големиот ден, 30-годишната модна блогерка својот изглед ѝ го довери на модната куќа Ралф и Русо и слободно може да се каже дека не погреши со изборот. Популарната Бразилка изгледаше како модерна принцеза во рачно изработената венчаница која се создаваше 10 месеци, тијара од Таленто Џојас и обувки од Рене Каовила, сите специјално дизајнирани за неа.
Основата на женствениот и раскошен фустан со кој невестата привлекуваше внимание беше изработувана 880 часа од 10 лица, додека за везовите беа потребни дополнителни 6.000 часа од 65 други лица. Вкупно 50.000 сваровски кристали се извезени на креацијата.
„За изработка на фустанот беа потребни 10 месеци, но процесот беше многу возбудлив, додека дискутиравме за деталите, везовите и силуетите, летајќи од Лондон за пробите. Секое пробување на фустанот ми ја зголемуваше возбудата да го видам крајниот резултат“ – изјавила Тасија.
Младенците не штедеа ниту на декорирањето на просторот. Тие прво чекореа низ ходник со огледала пред да стигнат пред инсталација декорирана со кристали и 40.000 бели орхидеи каде си ги кажаа заветите.
Видеа
Медениот месец младенците го поминаа на Малдиви од каде се вратија пред неколку дена. Навес постојано споделуваше фотографии оттаму со своите 3,5 милиони следбеници.
