Ги надмина очекувањата: Најстарата жена со Даунов синдром го прослави својот 75. роденден

Франсис Жилет стана најстарата жена со Даунов синдром. Таа ги надмина очекувањата на докторите и го прослави својот 75. роденден.

Жилет во текот на својот живот се соочила со многу здравствени проблеми. Храбрата жена има прогласено победа во мачната борба со рак на дојка и туберкулоза.

Франсис го прослави специјалниот ден со најблиските роднини и пријатели во домот за згрижување на стари лица во Кембриџшир каде што живее.

„Франсис е навистина прекрасна личност и низ годините таа ни стана како фамилија“ – вели вработена во домот за стари лица.

Најстариот маж со Даунов синдром починал во 2012 година на 83-годишна возраст. Најстариот маж со Даунов синдром кој е сè уште жив е Џо Сандерсон. Џо во март оваа година го прослави својот 80. роденден.