Моника Белучи има достојна наследничка. Нејзината ќерка Дева Касел заблеска на најновата ревија на Диор и повторно доби комплименти дека е копија на својата славна мајка.
21-годишната девојка шармираше во елегантен, впечатлив фустан со цветен дезен, кој совршено ја истакна нејзината природна убавина и софистициран стил.
Со брановидна коса, минимална шминка и самоуверен став, младата убавица ги привлече сите погледи додека позираше пред фотографите.
Дева веќе неколку години успешно гради кариера во модната индустрија и е заштитно лице на престижни модни брендови, а секое нејзино појавување предизвикува огромно внимание во јавноста.
