Газди на ресторан во Хрватска ја изненадија готвачката со автомобил за роденден: „Ако вреди, треба да се чува“

Некои газди искрено ги ценат лојалноста и трудољубивоста на своите вработени.

Такви се сопствениците на ресторанот „Zeleni kut“ од Хрватска, кои на својата вработена Јасна Јакшиќ ѝ подарија автомобил за 45-тиот роденден. За да ѝ се заблагодарат за 20-те години лојалност, тие ѝ приредија изненадување токму на роденденот.

Лојалната готвачка не можеше да си ги сокрие солзите-радосници кога го доби автомобилот од своите работодавачи.

„Кога ја отворив кутијата, потполно се шокирав. Кога видов дека внатре има клуч од автомобил, не можев да поверувам, сè уште се тресам“.

„Чувството е прекрасно. Никогаш во животот не сум добила нешто толку вредно. Не можам да опишам со зборови“ – рекла Јасна со широка насмевка.

@hrvatska_radiotelevizija Jasna Jakšić već punih 20 godina radi u restoranu na obali Mrežnice. Njezini poslodavci odlučili su joj na poseban način zahvaliti za sve te godine truda, profesionalnosti i topline. Iznenadili su je - automobilom! #RegionalniDnevnik #poklon #kuharica #radnica #hrvatskaradiotelevizija ♬ original sound - HRT

Сопственичката на ресторанот, Тања, за ова изненадување рекла:

„Што да поклоните на некој кој ви значи многу во животот? Ниту ова не е доволно добро за тоа колку таа ни значи нам. Едноставно, таа е дел од нас, дел од нашето семејство и не знаете на кој начин доволно да ѝ се заблагодарите на такви луѓе кои ви се толку посветени“.

„Ако вреди, навистина треба да се чува, бидејќи добриот работник е темел на која било работа“ – додал сопственикот Младен.