„Гантер“ од „Пријатели“ сподели дека има рак на простата во четврти стадиум и е делумно парализиран

Џејмс Мајкл Тајлер води тешка битка. Актерот, познат по улогата на Гантер од хит-серијата „Friends“, боледува од рак на простатата.

59-годишниот Американец сподели дека болеста моментално е во четврт стадиум и се проширила на неговите коски. Како последица на тоа, Тајлер останал делумно паразлизиран.

„Ми дијагностицираа напреднат рак на простатата, кој ми се прошири на коските. Се борам со оваа дијагноза речиси три години. Сега е во четврт стадиум. Доцен стадиум на рак. Па веројатно, знаете, ќе ме победи“ – изјави тој.

Џејмс бил на 56-годишна возраст кога за време на рутинско испитување му била откриена болеста. На почетокот, тој бил на медикаментозна терапија.

„Терапијата функционираше одлично во текот на една година. Сè што требаше да правам беше да пијам апче наутро и навечер, животот ми беше прилично нормален. Се чувствував добро, искрено, немав симптоми. Не чувствував никакви симптоми“ – додава Тајлер во интервјуто за Today.

Кон почетокот на пандемијата со КОВИД-19, докторите откриле дека ракот се проширил и на коските, што довело до парализа на долната половина од неговото тело.

„Пропуштив да одам на тестирање, што не беше добро нешто. Па ракот одлучи да мутира за време на пандемијата и така напредуваше“ – објаснил Тајлер.

Познатиот актер апелира до сите мажи почесто да прават ПСА тест кој го мери количеството на простата специфичен антиген во крвта, за да може ракот да биде дијагностициран во пораните фази.

ВИДЕО

Actor James Michael Tyler (@slate_michael) played Gunther on “Friends” for 10 years, but he was unable to attend the recent cast reunion in person because he’s been battling a serious health issue. Now he’s sharing his news for the first time with @craigmelvin. pic.twitter.com/272tg4Sbvc

— TODAY (@TODAYshow) June 21, 2021

Во специјалната епизода за обединувањето на актерите од „Пријатели“, накратко се појави и Џејмс.