„Фустанот нè зближи уште повеќе“: Невеста се омажи во венчаницата на баба си од пред 60 години

Невеста од Масачусетс за свадбата носеше венчаница која за неа има сентиментално значење. Прекрасниот фустан е истиот во кој нејзината баба се венчала со дедо ѝ.

„Баба ми не можеше да поверува дека одлучив да го носам нејзиниот фустан. Таа го имаше складирано во стара вреќа, бидејќи не мислеше дека е нешто ‘специјално’. Но, за мене беше. Се расплака кога ме виде за првпат на мојот голем ден. Тоа беше неверојатен момент кој ќе го ценам засекогаш“ – вели Али Ливингвотер.

„Фустанот очигледно има сентиментално значење за мене, бидејќи таа го носеше за да се венча со дедо ми“ – додала среќната невеста.

Али израснала со баба си Ани, но никогаш не го запознала својот дедо. „Никогаш не го запознав, но знам дека имаа успешен и среќен брак. Па сметав дека овој фустан ќе го насочува патот за мојот брак“ – вели Али.

Фустанот бил стар 60 години.

„Баба ми не можеше да поверува дека носеше иста големина со мене, бидејќи фустанот совршено ми прилегаше. Дефинитивно сметам дека фустанот нè зближи уште повеќе.“

„Сите ми даваа комплименти и сметаа дека е прекрасен гест“ – вели Али.