Џесика Симпсон и Ерик Џонсон пред десет дена се заколнаа на вечна љубов. Парот кој има две деца го прослави влегувањето во брачните води со прослава која изгледала како прекрасен бал сред гора.
Фотографиите од свадбениот албум на Симпсон беа објавени од списанието „People“, како и кратко видео со најзначајните моменти.
Свадбеното видео
34-годишната невеста за свечениот чин избрала креација во златни и шампањ нијанси, дизајнирана од Каролина Ерера.
Едногодишниот Ајс и двегодишната Максвел биле мали ѕвезди на вечерта и се забавувале на најважниот ден во љубовната врска на нивните родители.
Околу 250 гости неуморно танцувале на прославата која траела до раните утрински часови. Меѓу гостите била и Џесика Алба со сопругот Кеш Ворен.
Во текот на вечерта Симпсон се пресоблекла во краток фустан од високата мода на Зухаир Мурад.
Џесика и Ерик се заедно од 2010 година. Само шест месеци по започнувањето на нивната врска, тие објавија дека се свршени, а сега се категорични дека никогаш нема да се разделат.