Вчерашното шоу на Victoria’s Secret освен по феноменалните костими, ќе остане запаметено и по настапите на Ријана, Бруно Марс и Џастин Бибер.
Ријана украде голем дел од вниманието на публиката со два настапи. 24-годишната пејачка прво воодушеви со изведба на хитот „Diamonds“. Со црн корсет и здолниште од Адам Селман, Гучи чизмички и Шанел винтаж очила и ѓердан со бисери, Ријана изгледаше секси и моќно. Танцувајќи таа ги придружуваше ангелите додека дефилираа на пистата.
За време на второто појавување на сцената Ријана за првпат ја испеа во живо „Fresh Off the Runway“ од новиот албум „Unapologetic“. Розовиот аутфит повторно беше од Адам Селман, а розовите чизмички од Маноло Бланик.
Бруно Марс со својот бенд ја раздрма сцената со хитовите „Locked Out Of Heaven“ и „Lost“.
Џастин Бибер во придружба на гитарист ја испеа „As Long As You Love Me“, а потоа со група танчари се разигра на пистата додека ја пееше „Beauty and the Beat“.
Погледнете како изгледаа нивните настапи и дел од ревијата: