Иако уште од минатата година се шпекулираше дека Шакира и Пике се во врска, ниту еден од нив официјално не го потврди тоа. Енергичната пејачка и славниот фудбалер дури и ја демантираа таа вест.
Но, сега врската на Жерар Пике и Шакира веќе не може да биде тајна. На насловната страна на колумбиското списание Caras беше објавена фотографија на која 34-годишната пејачка и десет години помладиот Пике романтично се бакнуваат.
Пике и Шакира на насловната страна на списанието Сaras
Пике и Шакира се запознаа во пролетта минатата година на снимањето на спотот за песната „Waka Waka (This Time for Africa)“ и се верува дека оттогаш тајно се состануваат.
Неколкупати беа објавувани фотографии на кои се заедно, но и Шакира и Пике објаснуваа дека се само пријатели.
Шакира и Пике излегуваат од ресторан во Барселона (пред 1 месец)
Шакира и Пике на неговиот роденден
Според облеката, најверојатно фотографијата од насловната е сликана на роденденската прослава на Пике минатиот месец.
На почетокот на оваа година Шакира официјално ја објави разделбата со Антонио де ла Руа. Колумбиската ѕвезда и синот на бившиот претседател на Аргентина беа заедно од 2000г. Антонио и Шакира сè уште одржуваат контакт и продолжуваат да бидат бизнис партнери.