Лорен Конрад и Вилијам Тел пред десет дена стапија во брак. Романтичната церемонија се одржа во Санта Барбара, Калифорнија, а списанието „Us Weekly“ ја доби можноста да ги објави свадбените фотографии.
На специјалниот ден, 28-годишната дизајнерка и писателка носеше бел фустан од Беџли Мишка. „Таа сакаше едноставна и класична, но и гламурозна венчаница“ – изјавиле дизајнерите Марк и Џејмс кои биле задолжени и за обувките на невестата.
Додека Конрад чекорела кон олтарот, се слушала „In My Life“ од The Beatles, а за првиот танц младенците ја избрале „You’re My Best Friend“ од The Once.
Прославата била во рустичен стил со едноставни цветни декорации и вкусна храна, како домашна пита со јаболка.
Деверушите носеа креации од најновата колекција на Конрад, а секоја од нив во рацете држеше букет сличен на бидермаерот.
„Не знам дали некогаш сум била толку среќна како во моментот кога чекорев кон олтарот. Беше прекрасно“ – рекла Лорен.