„Полу-ангел, полу-демон“ – Зухаир Мурад со новата колекција се насочи кон жената со двојна личност.
Новата муза на либанскиот дизајнер е контрадикторна, од една страна нежна, искрена и невина, а од друга, полна со ѓаволска лукавост и мрачна грациозност. Судирот на материјали (кожа и чипка, кадифе и тул, ултра лесен шифон и „тешки“ везени цвеќиња) на елегантен начин ја потенцира динамиката и спротивставеноста на две екстремности кои се насетуваат во секоја креација.
„Готска ренесанса“ е најточниот опис на колекцијата есен/зима 2013, презентирана на Париската модна недела.
