Зухаир Мурад не одржа стандардна ревија во Париз, туку подготви презентација на колекцијата есен/зима 2014 на која присуствуваа ограничен број луѓе.
Женствените креации пленат со смели детали инспирирани од корсети, животински дезени и водни површини. Мрежестиот изглед кој потсетува на пајажина ја зголемува динамиката кај повеќето од фустаните. Сепак, очевидно е дека комплексниот изглед на инсектите, особено пеперутките, стои во основата на колекцијата. Црно-белата доминација во палетата е надополнета со бордо, розови и тиркизни нијанси.
Новата колекција на либанскиот дизајнер ќе ги освои жените кои смело сакаат да го истакнат својот сексапил.
