На женските очи никогаш нема да им здодеат фотографиите од полуразголениот Дејвид Бекам за „H&M“.
Овојпат промотивните фотографии ја најавуваат првата колекција костими за капење на славниот фудбалер за шведскиот моден бренд.
38-годишниот спортист го покажува своето тонирано тело, како и многубројните тетоважи, додека ги презентира трите нови модели кои доаѓаат во три бои – бела, тегет и војничка зелена.
„Успехот на мојата Bodywear колекција за H&M е фантастичен. Пресреќен сум што ги претставувам овие одлични костими за капење. Работевме напорно за да создадеме нови класични парчиња за мажи“ – изјавил Бекам.
